Աշունը Նորքում

Հարցազրույցներից մեկում Վ. Աբրահամյանը նշում է, որ բնությունն է իր առաջին ուսուցիչը: Բնապատկերները նրա արվեստում առանձին տեղ ունեն: Վարպետն իր ներկապնակի ամենավառ գույներով է պատկերել հայկական բնաշխարհը, ստեղծել նաև իր երևակայական պատկերները:

Վ. Աբրահամյանի արվեստում հաճախ կարելի է հանդիպել Հին Նորքը պատկերող կտավներ: Ընտանիքի հետ Բջնի գյուղից երևանյան հին թաղամաս է տեղափոխվել  երբ դեռ փոքր էր, այգիներով ու փոքրիկ հին տներով թաղը տպավորվել է հիշողության մեջ: Այստեղ ապրել է մինչև կյանքի վերջ: Հին Նորքի մի գողտրիկ բակում էլ նրա տունն է, արվեստանոցը: